ГІСТОРЫЯ І ТРАДЫЦЫІ
У студзені 1959 года раённы Дом піянераў і школьнікаў размяшчаўся па адрасе:
г. Камянец, вул. Леніна, д.14
З 1961 па 1962 год Дом піянераў і школьнікаў знаходзіўся ў гэтым будынку музычнай школы па вуліцы Леніна, д.10
З 1963 па 1992 год Дом піянераў і школьнікаў размяшчаўся па вуліцы Піўненка, д.10
За час існавання ўстановы змянілася 8 дырэктараў:
Бревдо Клавдзія Іосіфаўна
дырэктар Дома піянераў
з 1959 па 1966 год
Жучык Тамара Михайлаўна
дырэктар Дома піянераў
з 1971 па 1979 год
Каляда Вера Маісееўна
дырэктар Дома піянераў
з 1979 па 1981 год
Дзмітрыева Галіна Іванаўна
дырэктар Дома піянераў
з 1981 па 1987 год
Пархоцік Вольга Мікалаеўна
дырэктар Дома дзіцячай творчасці
з 1987 па 2002 год
Сідарук Сяргей Васільевіч
дырэктар Камянецкага ЦПП
з 2002 па 2007 год
Сергіевіч Валянціна Паўлаўна
дырэктар Камянецкага ЦПП
з 2007 года па 2012 год
Несцярук Максім Расціслававіч
дырэктар Цэнтра дадатковай адукацыи дзяцей і моладзі г. Камянца
з 2012 года па цяперашні час
Асноўныя напрамкі працы:
- дэкаратыўна-прыкладная творчасць;
- мастацкая творчасць;
- праца з дзіцячымі арганізацыямі;
- спарціўнае, тэхнічнае і іншыя кірункі.
Па стану на 01.09.2008 года колькасць гурткоўцаў складала 754 навучэнцаў, 61 група, педагогаў – 25 чалавек (з іх 7 сумяшчальнікаў).
2007 г.
У 2007 годзе рашэннем РВК № 729 ат 28.06.2007г. Камянецкі ЦПП рэарганізаваны ў форме падзелу на дзве пазашкольныя ўстановы:Камянецкі раённы цэнтр турызму і краязнаўства, Камянецкі цэнтр пазашкольнай работы.
2002 г.
У 2002 годзе рашэннем РВК от 27.06.2002г. № 299 «Аб рэарганізацыі пазашкольных устаноў раёна, якія выконваюць аднатыпныя дублюючыя функцыі "Камянецкі дом дзіцячай творчасці" і "Раённы цэнтр турызму і краязнаўства" рэарганізаваны ў Камянецкі цэнтр пазашкольнай работы.
Асноўнымі напрамкамі працы Камянецкага ЦПП сталі:
- дэкаратыўна-прыкладная творчасць;
- мастацкая творчасць;
- турыская праца;
- краязнаўчая работа;
- праца з дзіцячымі арганізацыямі.
Цэнтр пазашкольнай работы вызначае напрамкі, віды, формы і профілі сваёй дзейнасці, зыходзячы з інтарэсаў і схільнасцей навучэнцаў, матэрыяльнай базы, наяўнасці кваліфікаваных кадраў.
У сувязі з рэарганізацыяй установы ўзрасла колькасць груп і гурткоўцаў:
2002-2003 навучальны год 84 групы 1234 навучэнцаў
2003-2004 навучальны год 98 груп 1380 навучэнцаў
2004-2005 навучальны год 96 груп 1323 навучэнцаў
2005-2006 навучальны год 97 груп 1276 навучэнцаў
2006-2007 навучальны год 101 група 1328 навучэнцаў
1998 г.
У дзейнасці ўстановы дадаліся новыя напрамкі работы:
- станаўленне і развіццё аб'яднанняў дзяцей і моладзі;
- рэалізацыя раённай праграммы "Грамадзянін";
- пастаянна дзеючыя вучэбна-творчыя семінары, семінары-практыкумы для пачынаючых кіраўнікоў гурткоў;
- метадычная праца ДДзТ у школах раёна;
- аказанне дапамогі педагогам-арганізатарам па планаванні;
- аказанне метадычнай і практычнай дапамогі школам, дзіцячаму актыву па стварэнні дзіцячых аб'яднанняў і арганізацый.
Колькасці гурткоўцаў ДДзТ узрасла да 825 навучэнцаў.
1991 г.
У 1991 годзе Каменецкі Дом піянераў і школьнікаў перайменаваны ў Дом дзіцячай творчасці.
1988 г.
Дом піянераў і школьнікаў накіроўвае дзейнасць усіх падраздзяленняў на дасягненне высокай эфектыўнасці метадычнай, масавай і вучэбнай працы.
- Інструктыўна-метадычная дапамога школе.
- Арганізацыя работы з грамадзкасцю.
- Правядзенне кансультацый, семінараў, заняткаў, канферэнцый з піянерскімі важатымі, настаўнікамі, пазашкольнымі работнікамі.
- Правядзенне вучобы піянерскага і камсамольскага актываў.
- Вывучэнне, абагульненне і распаўсюджванне вопыту лепшых піянерважатых і піянерскіх дружын.
- Распрацоўка метадычных рэкамендацый па пазакласнай і пазашкольнай працы.
Колькасць гурткоў складала 42 з ахопам 705 навучэнцаў.
1978 г.
Раённая піянерская арганізацыя налічвала 3848 піянераў. Праца піянерскай арганізацыі накіравана на годную сустрэчу 60-годдзя Вялікага Кастрычніка, 60-годдзя камсамола, удзел у маршы "Ідзем дарогай Леніна, дарогай Кастрычніка" і "Мы верная змена твая, Камсамол!" У раёне налічвалася 9 піянерскіх дружын. 44 піянерскіх атрада дамагліся ганаровага звання "Правафланговым".
Асноўныя напрамкі піянерскай працы:
- падрыхтоўка семінараў старэйшых важатых, арганізатараў пазакласнай работы, дырэктараў школ;
- арганізацыя працы піянерскага актыву;
- інтруктыўна-метадычная работа;
- вучоба піянерскага актыву ў школах.
Колькасць гурткоў павялічылася да 20 з ахопам 480 навучэнцаў.
1968 г.
Піянерскі рух. У красавіку 1968 года пачалася Усесаюзная аперацыя "Піянеры СССР - дзецям В'етнама".
Павялічылася колькасць гурткоў: авіямадэльны, радыякружок, "Малюнак і жывапіс", хор старшакласнікаў, гурток па вырабе цацак самаробкаў, танцавальны, фотакружок і гурток юнатаў. У гуртках займалася 210 вучняў.
1959 г.
Піянерскі рух. Піянеры раёна – актыўныя удзельнікі Ўсесаюзнага агляду піянерскіх дружын «Вучыцца, жыць і працаваць па - комуністычнаму» ( з лістапада 1959 года па май 1960 года) – крочылі дарогамі 2 Усесаюзнай экспедыцыі піянераў і школьнікаў.
Пры Доме піянераў і школьнікаў працавала 5 гурткоў: кройкі і шыцця, танцавальны, баяністаў, малявальны і фотакружок.